Kiam Ahmed Nazal Nuri, oficialulo de la departemento pri medio kaj klimataj aferoj de la Ligo de Arabaj Ŝtatoj, vidis, ke kamparanoj en la ĉina nordokcidenta Ningxia-a Huja Aŭtonoma Regiono uzas garbon da fojno por fiksi sablon sur sabla duno, li miris ĉi tiun simplan tamen efikan teknikon.

Li vizitis la dezerton Maowusu en la Nacia Naturrezervejo Baijitan, en la urbo Lingwu, fine de septembro, kune kun ĉirkaŭ 20 vizitantoj el 13 arabaj, sudaziaj kaj afrikaj landoj. La grupo serĉis teknologian scion pri batalo kontraŭ dezertigo kaj efektivigo de ekologia restarigo, kaj ili ne desapontiĝis.

En la dezerto Maowusu, fojno estas sternita sur la tero laŭ kvadratita ŝablono, simila al ĉina ŝako, se rigardite de supre. La fojno helpas fiksi la sablon, ebligante al freŝa vegetaĵaro elkreski sur la surfaco.

La malfacila laboro de la kamparanoj transformis la dezerton en verdan oazon, kaj tamen ilia persisto en ĉi tiu ŝajne neebla tasko gajnigis al ili la alnomon "modernaj Yugong-oj". Ĝi aludas Yugong - aŭ la malsaĝan maljunulon - legenda figuro de antikva Ĉinio, kiu laŭdire forigis monton antaŭ sia hejmo per siaj nudaj manoj.