Antaŭtagmeze de la 15a de novembro laŭ la loka tempo, ĉina prezidanto Xi Jinping renkontiĝis kun usona prezidento Joe Biden en Filoli-Ĝardeno, San-Francisko, Kalifornio. La du ŝtatestroj sincere kaj profunde interŝanĝis opiniojn pri strategiaj, ĝeneralaj kaj direktecaj aferoj rilataj al ĉina-usonaj rilatoj kaj ankaŭ gravaj aferoj rilataj al mondpaco kaj disvolviĝo.

Xi diris en sia komenca parolo dum renkontiĝo kun usona prezidento Joe Biden, ke estas objektiva fakto, ke Ĉinio kaj Usono diferencas laŭ historio, kulturo, socia sistemo kaj disvolva vojo.

Xi diris, esprimante sian firman kredon je promesplena estonteco de la duflankaj rilatoj, “Tamen dum ili respektas unu la alian, kunekzistas en paco kaj klopodos kungajnan kunlaboron, ili estos plene kapablaj leviĝi super diferencoj kaj fiksi la ĝustan vojon por ke la du ĉefaj landoj interkonsentu inter si.”

Rimarkante, ke jaro pasis ekde ilia lasta renkontiĝo en Balio, Indonezio, kaj multo okazis de tiam, Xi diris, ke la mondo eliris el la pandemio de COVID-19, sed ankoraŭ estas sub ĝiaj teruraj efikoj.

“La tutmonda ekonomio renormaliĝis, sed ĝia impeto restas malvigla; industriaj kaj provizaj ĉenoj ankoraŭ estas sub la minaco de interrompo; kaj protektismo kreskiĝas. Ĉio ĉi estas gravaj problemoj,” Xi diris.

Xi diris, ke la ĉina-usonaj rilatoj, kiuj estas la plej gravaj duflankaj rilatoj en la mondo, devus esti perceptita kaj antaŭvidita en la vasta kunteksto de la mondaj ŝanĝiĝoj nevideblaj dum jarcento, kaj ke ĝi devus disvolviĝi en maniero, kiu profitigas la du popolojn kaj plenumas la respondecon pri homa progreso.

Xi diris, ke la rilatoj inter Ĉinio kaj Usono neniam estis glata navigado dum la pasintaj 50 jaroj kaj pli, kaj ke ĝi ĉiam alfrontas diversajn problemojn. Tamen ĝi daŭre moviĝis antaŭen inter tordoj kaj turnoj.

Xi diris, “Por du grandaj landoj kiel Ĉinio kaj Usono, turni la dorson unu al la alia ne estas elekto. Estas nereale, ke unu flanko transformu la alian. Kaj konflikto kaj konfrontiĝo havas neelteneblajn sekvojn por ambaŭ flankoj.”

Xi substrekis sian konsekvencan opinion, ke konkurenco de grandaj landoj ne estas la reganta tendenco de nunaj tempoj kaj ne povas solvi la problemojn alfrontantajn Ĉinion kaj Usonon aŭ la tutan mondon. Xi diris, “La Tero estas sufiĉe granda por ke la du landoj sukcesu, kaj la sukceso de unu lando estas ŝanco por la alia.”

Xi diris, ke Ĉinio kaj Usono devus supozi novan vizion kaj konstrui kune kvin kolonojn por ĉina-usonaj rilatoj.

Unue, kune disvolvi ĝustan percepton. Ĉinio konstante engaĝiĝas por havi stabilan, sanan kaj daŭrigeblan rilaton kun Usono. Samtempe Ĉinio havas interesojn, kiujn oni devas protekti, principojn, kiuj devas esti subtenataj, kaj ruĝajn liniojn, kiujn oni ne devas transpasi.

Due, kune administri malkonsentojn efike. Malkonsentoj ne estu abismo, kiu tenas la du landojn aparte. Anstataŭe, la du flankoj devus serĉi manierojn konstrui pontojn por helpi ilin marŝi unu al la alia. Estas grava, ke ili respektas reciproke la principojn kaj ruĝajn liniojn, kaj sindetenu de nekonstanta kaj ŝanĝiĝema ago, provokemaj kaj transpasi la liniojn.

Trie, kune antaŭenigi reciproke utilan kunlaboron. Ĉinio kaj Usono havas larĝajn komunajn interesojn en larĝaj aspektoj, inkluzive de tradiciaj kampoj kiel ekzemple la ekonomio, komerco kaj agrikulturo, same kiel emerĝantaj kampoj kiel ekzemple klimatŝanĝo kaj artefarita inteligenteco (AI).

Kvare, kune surŝultrigi respondecojn kiel ĉefaj landoj. La problemoj alfrontantaj la homan socion ne povas esti solvitaj sen kunlaboro inter grandaj landoj. Ĉinio kaj Usono devus starigi ekzemplon, plifortigi kunordigon kaj kunlaboron pri internaciaj kaj regionaj aferoj, kaj liveri pli da publikaj bonoj por la mondo.

Kvine, kune antaŭenigi interhomajn interŝanĝojn. La du flankoj devas pliigi rektajn flugojn, antaŭenigi turisman kunlaboron, vastigi subnaciajn interŝanĝojn, plifortigi edukan kunlaboron kaj kuraĝigi kaj subteni pli grandajn interagojn kaj komunikadon inter siaj popoloj.

Xi klarigis la principan pozicion de Ĉinio pri la demando de Tajvano. Li montris, ke la tajvana demando ankoraŭ estas la plej grava kaj plej sentema afero en rilatoj inter Ĉinio kaj Usono. Ĉinio prenas serioze la pozitivajn deklarojn faritajn de Usono en la kunveno en Balio. La usona flanko devus fari verajn agojn por honori sian devontigon ne subteni “tajvanan sendependecon”, ĉesi armi Tajvanon kaj subteni pacan reunuiĝon de Ĉinio. Ĉinio realigos reunuiĝon, kaj tio estas nehaltigebla.

Xi Jinping montris, ke Usono senĉese alprenis rimedojn kontraŭ Ĉinio koncerne eksportkontrolojn, investajn reviziojn kaj unuflankajn sankciojn, kiuj grave damaĝis la legitimajn interesojn de Ĉinio. Disvolvado de Ĉinio estas pelata de novigo. Subpremi la sciencon kaj teknologion de Ĉinio estas bremsi la altkvalitan disvolviĝon de Ĉinio kaj senigi la ĉinan popolon je sia rajto je disvolviĝo. La disvolviĝo kaj kresko de Ĉinio havas sian propran logikon kaj ne povas haltigi de eksteraj fortoj. Ni esperas, ke Usono serioze prenos la zorgojn de la rilatoj kun Ĉinio, alprenos rimedojn, nuligos unuflankajn sankciojn kaj liveros justan kaj nediskriminacian medion por ĉinaj entreprenoj.

Biden varme bonvenigis prezidanton Xi Jinping pro tio, ke li laŭ invite atingis Usonon por ĉeesti la renkontiĝon de ŝtatestroj de Usono kaj Ĉinio. Biden diris, ke li kaj prezidanto Xi Jinping havis gravan kunvenon en Balio pasintjare. San-Francisko estas la unua loko, kie ĉinoj alvenis al Usono, la loko, kie Usono kaj Ĉinio kune partoprenis en la subskribo de la Ĉarto de Unuiĝintaj Nacioj, kaj ankaŭ estas la unua loko, kie Usono kaj Ĉinio establis fratinojn urbojn. Ilia vizaĝ-al-vizaĝa renkontiĝo en San-Francisko hodiaŭ havas specialan signifon. Li antaŭĝojas atingi novajn konsentojn kaj rezultojn surbaze de la renkontiĝo en Balio.

Biden diris, ke li ĉiam kredis, ke la rilatoj inter Usono kaj Ĉinio estas la plej gravaj duflankaj rilatoj en la mondo. La konfliktoj de Usono kaj Ĉinio ne estas neeviteblaj. Stabila kaj evoluanta Ĉinio konformas al la interesoj de Usono kaj la mondo, kaj la ekonomia kresko de Ĉinio utilas al Usono kaj la monda. Teni stabilecon en la rilatoj inter Usono kaj Ĉinio, preventi konfliktojn, administri diferencojn kaj kunlabori en kampoj, kiuj servas al la interesoj de la ambaŭ flankoj, helpos la du landojn pli bone trakti la problemojn, kiujn ili alfrontas individue kaj kune. Li ripetis la kvin-punktajn engaĝiĝojn faritajn en la Balia kunveno, nome: Usono ne serĉas novan Malvarman Militon, ne celas ŝanĝi la sistemon de Ĉinio, ne celas plifortigi aliancojn kontraŭ Ĉinio, ne subtenas sendependecon de Tajvano, kaj havas neniun intencon konfliktigi kun Ĉinio. La ekonomioj de Usono kaj Ĉinio estas interdependaj. Usono ĝojas vidi Ĉinion disvolviĝi kaj prosperi. Ĝi ne celas subpremi aŭ limigi la disvolviĝon de Ĉinio, nek disigi Ĉinion. Usono persistas en la politiko de unu Ĉinio, bonvenigas dialogon inter diversaj departementoj kaj niveloj de la ambaŭ flankoj, kaj volas daŭre konservi malferman kaj sinceran komunikadon kun Ĉinio por plibonigi interkomprenon, eviti miskomprenon kaj administri diferencojn. Usono volontas daŭre disvolvi ekonomiajn kaj komercajn rilatojn kun Ĉinio kaj plifortigi kunlaboron en gravaj kampoj kiel klimata ŝanĝiĝo, agadoj kontraŭ drogoj kaj artefarita inteligenteco. Li ĝojas vidi, ke la du landoj pliigos rektajn flugojn kaj vastigos edukan, sciencan kaj teknologiajn interŝanĝojn kaj dungitaron.

La du ŝtatestroj emfazis la gravecon, ke Ĉinio kaj Usono akcelos klopodojn por respondi al la klimata krizo en la nuna ŝlosila jardeko, kaj bonvenigis la lastatempajn aktivajn diskutojn okazigitajn de la dulandaj specialaj senditoj pri klimata ŝanĝiĝo, inkluzive de enlandaj agoj pri ellasoredukto en la 2020-aj jaroj, kaj kune promocii sukcesan okazigon de la Konferenco de Unuiĝintaj Nacioj pri Klimata Ŝanĝiĝo en Dubajo (COP28), komenci la Ĉin-Usonan "Laborgrupon pri Plifortigo de Klimata Agado en la 2120-aj jaroj" por akceli specifajn klimatajn agojn.

Post la interparoloj, Biden organizis bankedon por Xi Jinping. La du ŝtatestroj interŝanĝis opiniojn pri internaciaj kaj regionaj aferoj komune zorgataj kiel la palestina-israela konflikto.

Biden ankaŭ invitis Xi Jinping promeni en Filoli-Ĝardeno.

Ĉi-foja renkontiĝo estis pozitiva, ampleksa kaj konstrua, kaj montris la direkton por plibonigo kaj disvolviĝo de la rilatoj inter Ĉinio kaj Usono. San-Francisko devus fariĝi nova deirpunkto por stabiligi la rilatojn inter Ĉinio kaj Usono. La du ŝtatestroj ordonis al siaj teamoj tuj sekvi kaj efektivigi la novan vizion atingitan en ĉi tiu kunveno surbaze de efektivigo de la konsento atingita en la Balia kunveno. La du ŝtatestroj konsentis plu konservi regulan kontakton. Biden persone sendis Xi Jinping al la aŭto por adiaŭi.

Cai Qi kaj Wang Yi ĉeestis la suprajn aktivadojn.