Ĉina prezidanto Xi Jinping renkontiĝis kun prezidanto de la Rusa Ŝtata Dumao, Vyacheslav Volodin, en la Granda Popola Halo en Pekino merkrede.

Xi diris, ke venontjare estos festata la 75a datreveno de la starigo de diplomatiaj rilatoj inter Ĉinio kaj Rusio, kaj ke Ĉinio pretas labori kun Rusio por kontinue profundigi la duflankajn rilatojn de ĉiama bonnajbara amikeco, ampleksa strategia kunordigo, reciprokprofita kunlaboro kaj komuna gajno, injekti novan impeton en la disvolvadon kaj revigligon de la du landoj kaj liveri pli da stabileco al prospero kaj stabileco de la mondo.

Xi emfazis, ke plifortigo de kunlaboro inter leĝdonaj instancoj ludas gravan rolon por certigi stabilecon kaj disvolviĝon de ĉina-rusaj rilatoj, kaj li esperas, ke la Rusa Ŝtata Dumao kaj la Nacia Popola Kongreso de Ĉinio plifortigos interŝanĝojn de leĝdona sperto, plene ludigi la rolon de specialaj komitatoj kaj amikaj grupoj de leĝdonantoj en la leĝdonaj instancoj de la du landoj, doni pli kompletan leĝan subtenon al duflanka kunlaboro, certigi la sinergion de komuna konstruado de la iniciato Zono kaj Vojo kaj la Eŭrazia Ekonomia Unio, kaj profundigi komunikadon kaj kunlaboron sur multflankaj platformoj kiel la Ŝanhaja Kunlabora Organizo, BRICS kaj la G20.

Volodin diris, ke Rusio firme sekvas la politikon de unu Ĉinio kaj firme subtenas Ĉinion en protekto de nacia suvereneco kaj teritoria integreco. La rusa flanko volas plifortigi interŝanĝojn kaj kunlaboron inter leĝdonaj instancoj kaj inter politikaj partioj kun Ĉinio, aktive efektivigi la gravan konsenton de la du ŝtatestroj, profundigi la amikecon kaj reciprokan konfidon inter la du popoloj, liveri fortan juran garantion al la daŭripova disvolviĝo de la rusa-ĉina ampleksa strategia partnereco de kunordigo en la nova epoko kaj kontribui al la disvolviĝo de la duflankaj rilatoj.