Diskoniga kunveno okazis en la nepala ĉefurbo ĵaŭde por la angla versio de la kvara volumo de "Xi Jinping: La Regado de Ĉinio".

Jhala Nath Khanal, eksa nepala ĉefministro, diris en la kunveno, ke li trovis "sagacan vidpunkton pri konstruado de socialismo en Ĉinio en tre novigema kaj konstruema maniero" post legado de antaŭaj volumoj de la libro. Li diris, ke en la libroj, legantoj povas trovi "verajn soci-politikajn kaj filozofiajn respondojn" al demandoj rilataj al la rapida disvolviĝo kaj transformiĝo de Ĉinio.

Ĉina ambasadoro al Nepalo, Chen Song, esprimis sian kredon, ke la publikigo de la nova volumo de la libro en Nepalo helpos al la nepala popolo plibonigi sian komprenon pri kial la Komunista Partio de Ĉinio sukcesis, kaj profundigi sian komprenon pri la vojo, regado kaj principoj de Ĉinio , tiel plue antaŭenigante la ĉina-nepalan strategian partnerecon de kunlaboro kun longdaŭra amikeco por disvolviĝo kaj prospero.

La kunveno estis okazigita sub la aŭspicioj de la Fremdlingva Eldonejo de Ĉinio kaj la Ĉina Internacia Libro-Komerca Korporacio.