Ĉina vicĉefministro Ding Xuexiang ĵaŭde diris, ke Ĉinio aprezas la klopodojn faritajn de la Unuiĝintaj Arabaj Emirlandoj (UAE) en la preparado de la konferenco de la Unuiĝintaj Nacioj pri klimata ŝanĝiĝo en Dubajo.

Ding, kiu estas en Dubajo por la Monda Pintkunveno pri Klimata Agado, faris la rimarkojn dum la renkontiĝo kun la prezidento de la UAE Sheikh Mohamed bin Zayed Al Nahyan.

Laŭdante la disvolviĝon de la dulandaj rilatoj en la lastaj jaroj, Ding alvokis la du flankojn plue plifortigi politikan reciprokan konfidon, plifortigi praktikan kunlaboron, kune konstrui la Zonon kaj Vojon kun altkvaliteco kaj kune antaŭenpuŝi la kunlaboron de Ĉinio kun arabaj landoj kaj la landoj de la Kunlabora Konsilio de la Golfo al nova nivelo.

Dum la renkontiĝo, Ding, ankaŭ membro de la Konstanta Komitato de la Politika Buroo de la Centra Komitato de la Komunista Partio de Ĉinio, klarigis la pozicion de Ĉinio pri la palestina-israela problemo.

Ding diris, ke la pozicio de Ĉinio pri la palestina-israela problemo estas klara, alvokante, ke ĉiuj koncernaj partioj tuj ĉesigu batalon, protekti civilulojn kaj malhelpi la ekspansion de la konflikto.

Li diris, ke Ĉinio daŭre staros flanke de paco kaj justeco, subtenos la justan aferon de la palestina popolo por protekti ĝiajn naciajn rajtojn, antaŭenigos la fruan efektivigon de la duŝtata solvo kaj atingos ampleksan, justan kaj daŭran solvon de la palestina demando.

Ding diris, ke Ĉinio pretas labori kun la UAE por malvarmigi la situacion kaj restarigi pacon kaj trankvilon en la regiono frue.

Mohamed diris, ke la UAE neniam forgesos la valoran subtenon donitan de Ĉinio en la batalo kontraŭ KOVIM-19, kaj estas konvinkita, ke duflanka kunlaboro faros pli grandajn atingojn en la estonteco.

Li dankis Ĉinion pro ĝia firma subteno al la justa afero de Palestino, alte taksis la justan pozicion de Ĉinio, kaj diris, ke la UAE pretas proksime kunlabori kun Ĉinio en internaciaj kaj regionaj aferoj por kune antaŭenigi la aferon de regiona kaj monda paco kaj disvolviĝo.