La 3-a Suda Pintkunveno finiĝis lunde en la uganda ĉefurbo Kampalo kun partoprenantaj gvidantoj postulantaj tujan batalhalton en la Gaza-strio kaj protekton de civiluloj.

La dutaga pintkunveno, kiu kunvenigis gvidantojn de la membrolandoj de Grupo 77 kaj Ĉinio, urĝis la Sekurecan Konsilion de Unuiĝintaj Nacioj klopodi por efektivigi siajn rezoluciojn por fini la Israel-palestinan konflikton senprokraste. La Suda Pintkunveno estas la supera decida organo de la Grupo 77 konsistanta el 134 membroj. Al la kunveno ĉeestis altnivelaj reprezentantoj de preskaŭ 100 landoj kaj estroj de instancoj de Unuiĝintaj Nacioj.

https://english.news.cn/20240123/6a97733391944008a5c8fb820cac2019/c.html