Prezidanto Xi Jinping merkrede vizitis naciajn politikajn konsilistojn kaj ĉeestis komunan grupan kunvenon en la dua sesio de la 14a Nacia Komitato de la Ĉina Popola Politika Konsultiĝa Konferenco.

Xi, ankaŭ ĝenerala sekretario de la Centra Komitato de la Komunista Partio de Ĉinio kaj prezidanto de la Centra Milita Komisiono, aliĝis al la diskuto de politikaj konsilistoj el la Revolucia Komitato de la Ĉina Kuomintango, la sektoro de scienco kaj teknologio, kaj la sektoro de medio kaj resursoj. Xi aŭskultis iliajn komentojn kaj sugestojn.

Xi urĝis politikajn konsilistojn el diversaj politikaj partioj, organizoj, etnoj, sektoroj, kaj sociaj rondoj fari profundajn esplorojn kaj aktive proponi sugestojn bazitajn sur la ĉefaj strategiaj taskoj prezentitaj de la 20a Nacia Kongreso de la KPĈ kaj la aranĝoj faritaj de la Centra Konferenco pri Ekonomia Laboro.