Tutmonda enketo publikigita de CGTN montras, ke 90,05 procentoj de respondantoj forte instigas ambaŭ flankojn de la palestina-israela konflikto tuj batalhalti, por eviti pligravigi humanitaran krizon. 93,5 procentoj de tutmondaj respondantoj atentigis, ke ĉiuj partioj devas plenumi siajn devojn laŭ internacia humanitara juro kaj tuj ĉesigi ĉian perforton kontraŭ civiluloj.

93 procentoj de la enketitoj opinias, ke la Sekureca Konsilio de la Unuiĝintaj Nacioj (UN) devas plene utiligi sian mediacian rolon por malhelpi pluan eskaladon de la konflikto. Retano de CGTN komentis, “Post tiom da jaroj da tragedio, sufero kaj perdo de vivo, ni devas klopodi por trovi daŭrantan pacon.”

92 procentoj de la enketitoj opinias, ke eksterlandoj devus ĉesi provizi armilojn kaj ekipaĵojn al ambaŭ konfliktantaj partioj kaj tuj ĉesigi la agojn, kiuj plimalbonigas la situacion. Kiel retano de CGTN trafe deklaris, “Provizo de armiloj ĉe tiu tempo similas al ĵetado de benzino sur ĝojfajron.”

La opinisondo estis publikigita sur la angla, hispana, franca, araba kaj rusa platformoj de CGTN, kun pli ol 11,000 homoj voĉdonantaj en 24 horoj.