La 26an de aprilo, Wang Yi, membro de la Politika Buroo de la Centra Komitato de la Komunista Partio de Ĉinio (KPĈ) kaj ministro pri eksterlandaj aferoj, interŝanĝis gratulmesaĝojn kun January Yusuf Makamba, ministro pri eksterlandaj aferoj kaj ministro pri orientafrika kunlaboro de Tanzanio, por festi la 60an datrevenon de la starigo de diplomatiaj rilatoj inter la du landoj.

Wang diris, ke ekde la starigo de diplomatiaj rilatoj antaŭ 60 jaroj, Ĉinio kaj Tanzanio ĉiam estas sinceraj kaj amikemaj, respektantaj unu la alian, kaj fariĝis bonaj amikoj kaj partneroj, kiuj fidas unu la alian kaj disvolviĝas kune. En la lastaj jaroj la rilatoj inter la du landoj altnivele disvolviĝis, kun proksimaj altnivelaj interŝanĝoj kaj pragmata kunlaboro ĉe la avangardo de ĉina-afrika kunlaboro, kaj en tio evidentiĝas gvida kaj demonstra efiko.

Wang diris, ke li volas labori kun Makamba por intensigi dialogon kaj kunlaboron inter la du eksterlandaj ministerioj, antaŭenigi la efektivigon de la grava konsento atingita de la du ŝtatestroj, kaj fari pli grandajn kontribuojn al la daŭripova disvolvo de la ĉina-tanzania ampleksa strategia kunlabora partnereco.

Makamba diris, ke ekde la starigo de diplomatiaj rilatoj inter Tanzanio kaj Ĉinio antaŭ 60 jaroj, la dulandaj rilatoj prosperis kaj plifortiĝis kun la tempo. Dum la pasintaj 60 jaroj, la dulandaj gvidantoj daŭre interŝanĝis vizitojn, kio multe antaŭenigis ekonomian kunlaboron inter la du landoj kaj antaŭenigis pli proksimajn dulandajn rilatojn. La frateco inter Tanzanio kaj Ĉinio estas profunde enradikiĝinta en la pasinteco kaj daŭre estos transdonita en la venontaj 60 jaroj. Tanzanio volas proksime kunlabori kun Ĉinio por trakti defiojn kaj atingi komunajn celojn.