Ĉina prezidanto Xi Jinping faros ŝtatajn vizitojn al Francio, Serbio kaj Hungario de la 5a ĝis la 10a de majo.
La vizitoj estos la unua vojaĝo de la ĉina prezidanto al Eŭropo en preskaŭ kvin jaroj. La vojaĝo de Xi plibonigos duflankajn rilatojn kun la tri landoj kaj akcelos ilian reciprokprofitan kunlaboron.
La baldaŭaj vizitoj de Xi antaŭenigos la daŭran, stabilan kaj sanan disvolviĝon de ĉina-eŭropaj rilatoj, servi por liveri pli da stabileco kaj certeco al malkvieta mondo kaj plue stimuli tutmondan disvolviĝon.
La vizito de Xi al Francio markas lian trian ŝtatan viziton al la eŭropa lando post vizitoj en 2014 kaj 2019. Ĉi tiu vizito okazos en la jaro de la 60a datreveno de ĉina-francaj diplomatiaj rilatoj, kio donas specialan signifon al la vizito kiel grava ŝanco antaŭenmarŝi al la estonteco sur la bazo de pasintaj atingoj por duflankaj rilatoj.
Xi nomis Serbion "fera amiko" de Ĉinio dum sia renkontiĝo kun serba prezidento Aleksandar Vucic, kiu estis en Pekino por ĉeesti la trian Forumon de la Zono kaj Vojo pri Internacia Kunlaboro en oktobro de la pasinta jaro.
Li diris, ke duflankaj rilatoj eltenis ŝanĝiĝojn en la internacia situacio dum la lastaj jaroj kaj estas ekzemplo de amikaj rilatoj inter Ĉinio kaj eŭropaj landoj. Responde, Vucic diris, ke lia lando fieras pri sia fera amikeco kun Ĉinio.
La vizito de Xi al Hungario markas lian unuan ŝtatan viziton al la eŭropa lando kiel ĉina ŝtatestro.
Dum la pasintaj 75 jaroj post la starigo de diplomatiaj rilatoj, Ĉinio kaj Hungario ĝuis reciprokan respekton, reciprokan komprenon, reciprokan subtenon kaj reciprokan fidon.
Hungario estas la unua eŭropa lando, kiu subskribis dokumenton pri kunlaboro de la Zono kaj Vojo kun Ĉinio. En 2017, la du landoj anoncis la starigon de ampleksa strategia partnereco.
