La 7-an de majo laŭ la loka tempo, laŭ invito de franca prezidento Emmanuel Macron, prezidanto Xi Jinping forlasis Parizon per speciala aviadilo por viziti la provincon Hautes-Pyrenees en sudokcidenta Francio. La du ŝtatestroj kaj iliaj edzinoj faris strategian komunikadon pri iuj gravaj aferoj en malstreĉa kaj agrabla etoso.

Xi montris, ke la ĉina civilizacio estas la sola longdaŭra civilizacio en la mondo, kiu daŭras pli ol 5 000 jarojn seninterrompe. Pro tio, la ĉina popolo havas fortan senton pri familio kaj lando, kaj precipe estimas kaj amas nacian unuecon. Kvankam Ĉinio kaj Francio apartenas al orientaj kaj okcidentaj civilizacioj kaj havas malsamajn valorojn kaj sociajn sistemojn, ili ambaŭ valoras interŝanĝojn kaj reciprokan lernadon inter civilizacioj. Ambaŭ flankoj povas esti harmoniaj sed malsamaj, kaj fari novajn kontribuojn al mondpaco kaj disvolviĝo kaj homa progreso per dialogo kaj kunlaboro. 

Macron diris, ke lia vizito al Ĉinio pasintjare, precipe la kunveno en Pine Garden de Guangzhou, lasis profundan kaj bonan impreson. Per profundaj interŝanĝoj kun sinjoro prezidanto, li plie komprenis la historion, kulturon, konceptojn kaj disvolvan procezon de Ĉinio, kaj havas pli profundan komprenon de la sinteno de Ĉinio pri gravaj aferoj. La nuna internacia situacio estas plena de necertecoj. Estas grave por Eŭropo konservi strategian sendependecon kaj unuecon. Ankaŭ estas grave por Eŭropo disvolvi bonajn rilatojn kun Ĉinio kaj plifortigi la duflankan kaj plurflankan kunlaboron.

Xi diris, ke la belaj pejzaĝoj kaj specialaj manĝaĵoj ĉi tie lasis profundan impreson al li. Ĉinio bonvenigas pliajn altkvalitajn francajn agrikulturajn kaj nutrajn produktojn eniri en la ĉina merkato, kaj bonvenigas pli da francoj viziti Ĉinion.

Tiu nokte, Xi Jinping forlasis Francion per speciala aviadilo al Beogrado kaj komencis ŝtatviziton al Serbio invitite de serba prezidento Aleksandar Vučić.