Antaŭtagmeze de la 9a de majo laŭ la loka tempo, Peng Liyuan, edzino de ĉina ŝtata prezidanto Xi Jinping, vizitis Budavári-Palacon invitite de Nagy Zsuzsanna, edzino de hungara prezidento Sulyok Tamás, kaj havis tekunsidon kun Nagy.

Nagy akompanis Peng Liyuan por aprezi hungarajn Hylander-porcelanojn kaj tradician brodadon. Peng Liyuan diris, ke la delikataj porcelanaĵoj kaj bonega brodado de Hungario estas impresivaj. Porcelanaĵo kaj brodado estas komunaj simboloj de la civilizacioj de Ĉinio kaj Hungario. Oni atendas, ke artistoj el la du landoj plifortigos interŝanĝojn kaj reciprokan lernadon kaj antaŭenigos la integriĝon de civilizacioj.

Peng Liyuan havis amikan kaj sinceran tekunsidon kun Nagy. Peng Liyuan diris, ke Hungario estas bela lando kun varmaj kaj gastamaj homoj. La kulturoj de Ĉinio kaj Hungario havas multajn similecojn, la popoloj de la du landoj havas profundan intimecon, kaj la amikeco inter la du landoj havas solidan bazon. Oni esperas, ke la amikeco inter la du landoj estos transdonita de generacio al generacio kaj plifortiĝos kun la paŝo de la tempo.