La 16an de majo, la Nacia Centro por Prezentaj Artoj en Pekino atestis gravan okazaĵon en ĉina-rusaj interŝanĝoj, nome la malferma ceremonio de la Ĉina-Rusa Kultura Jaro kaj la speciala koncerto festanta la 75an datrevenon de la starigo de diplomatiaj rilatoj inter Ĉinio kaj Rusio. Ĉi tiu mirinda kultura festeno montris la longan amikecon inter la du grandaj landoj.

Tiutage, ĉina prezidanto Xi Jinping okazigis limigan kunvenon kun rusa prezidento Vladimir Putin, dum kiu ili ĉiuflanke resumis sukcesajn spertojn akiritajn en ĉina-rusaj rilatoj en la pasintaj 75 jaroj, profunde interŝanĝis opiniojn pri la duflankaj rilatoj kaj gravaj internaciaj kaj regionaj demandoj de komuna zorgo, kaj kune desegnis novan planon pri duflanka kunlaboro. Ĉinio kaj Rusio publikigis komunan deklaron kaj subskribis multajn kunlaborajn dokumentojn, injektante novan impulson en la profundigon de duflankaj rilatoj.

Ekde 2013, la ŝtatestroj de Ĉinio kaj Rusio renkontiĝis pli ol 40 fojojn. Sub la strategia gvidado de la ŝtatestroj, duflankaj rilatoj atingis historian alton. Kio estas la pasvorto por la sukceso de ĉina-rusa kunlaboro en la pasinteco? “Ni devas ĉiam daŭrigi kaj disvolvi la Kvin Principojn de Paca Kunekzistado, respekti kaj fidi unu la alian, trakti unu la alian egale kaj konsideri respektivajn zorgojn, vere helpante unu la alian en disvolviĝo kaj revigligo de la du flankoj.” Jen la ĝusta maniero por kunekzistado de Ĉinio kaj Rusio, kiun resumis prezidanto Xi.

La daŭra kaj stabila disvolviĝo de ĉina-rusaj rilatoj indikas, ke grandaj landoj tute povas trovi ĝustan vojon al kunekzistado, alportante disvolviĝon, kunlaboron kaj sekurecon al la mondo per fortaj duflankaj rilatoj. 75 jarojn poste, ĉina-rusaj rilatoj staras ĉe la nova deirpunkto. Kiel la du landoj povas krei pli bonan estontecon? Laŭ la konsento atingita de la du flankoj, klopodoj estos faritaj sur pluraj niveloj, inkluzive de plifortigo de politika reciproka fido, antaŭenigo de pragmata kunlaboro, plifortigo de kulturaj interŝanĝoj kaj plibonigo de tutmonda regado.

Ekonomia kaj komerca kunlaboro estas ĉefaĵo en ĉina-rusaj rilatoj. En 2023, la duflanka komerco atingis pli ol 240 miliardojn da usonaj dolaroj, superante la komercajn celojn fiksitajn de la du ŝtatestroj. Ĉinio restis la plej granda komerca partnero de Rusio dum 14 sinsekvaj jaroj. Rusa naturgaso eniris la hejmojn de ordinaraj ĉinoj, kaj ĉinaj aŭtoj kaj elektronikaj produktoj estas tre popularaj en la rusa merkato. La speciala vojaĝo de Putin al Harbino por ĉeesti la malferman ceremonion de la 8a Ĉina-Rusa Ekspozicio reflektas pozitivan volon de Rusio vastigi praktikan kunlaboron kun Ĉinio.

Kiel konstantaj membroj de la Sekureca Konsilio de la Unuiĝintaj Nacioj, Ĉinio kaj Rusio ambaŭ firme subtenas la internacian sistemon kun la UN ĉe la kerno kaj internacian ordon bazitan sur internacia leĝo kaj rekomendas la praktikon de vera multflankismo. Ambaŭ flankoj konsentis, ke la palestina problemo devas esti solvita surbaze de la duŝtata solvo. La rusa flanko bonvenigas Ĉinion plu ludi gravan kaj konstrueman rolon por solvi la ukrainan demandon politike.

Rigardante al la estonteco, la du bonaj najbaroj, bonaj amikoj kaj bonaj partneroj man-enmane iros antaŭen kaj helpos unu la alian en disvolvado kaj revigligo, dum la mondo akiros pli da pozitiva energio por prospero kaj stabileco.