La banjanarbo havas mirindan vivecon. Sur iun ajn senfrukta tero, aŭ eĉ la rokoj kaj klifoj, ĝi povas trarompi la teron kaj stari fiere.

La 12-an de marto 2000, 87-jara Xi Zhongxun kaj lia familio kune plantis banjanarbon en sia loĝejo "Lan Yuan" en Shenzhen. Xi Zhongxun, la patro de Xi Jinping, diris al la personaro ĉirkaŭ li: "Ankaŭ mi volas enradikiĝi en Shenzhen."

Kiel unu el la ĉefaj pioniroj kaj gravaj fondintoj de la reformo kaj malfermo de Guangdong, Xi Zhongxun plantis ĉi tiun banjanarbon por esprimi sian deziron enradikiĝi en la tero de reformo kaj malfermo.

Dum pli ol du jaroj da laboro en Guangdong, Xi Zhongxun faris multe da pionira laboro.

Komence de la reformo kaj malfermo, la granda praktiko de lia patro gvidi la guangdong-an popolon liberigi sian menson kaj daŭrigi reformon, profunde influis Xi Jinping.

En 1982, Xi Jinping petis lokan postenon, forlasante la Ĝeneralan Oficejon de la Ŝtata Konsilio kaj la Ĝeneralan Oficejon de la Centra Milita Komisiono, kaj poste li eklaboris en la loka registaro.

Iu usona erudiciulo diris, ke la forta kontraŭkorupta kampanjo de Ĉinio estas reformo, regi la landon laŭleĝe estas reformo, mildigo de malriĉeco estas reformo, reorganizado de la armeo estas reformo, kaj ankaŭ reformo de partiaj kaj registaraj institucioj estas grava reformo. Erudiciulo, kiu partoprenis en la redaktado de la dokumento por la tria Plena Sesio de la 18-a Centra Komitato de la KPĈ, rememoris: "Sen la persistemo de Xi Jinping, multaj gravaj reformoj estus malfacile realigeblaj."

Homoj ankaŭ donis similajn taksadojn al Xi Zhongxun pri firma antaŭenigo de reformo kaj malfermo de Guangdong.

En 2012, post la 18-a Nacia Kongreso de la KPĈ, Xi Jinping elektis Guangdong por sia unua enlanda inspektado.

En la parko Lianhuashan en Shenzhen, Xi Jinping prezentis florkorbon al la bronza statuo de Deng Xiaoping kaj plantis banjanarbon ĉe la pinta placo. Ĉi tie, li retrorigardis la reforman vojon de la pliaĝa generacio, pripensis la reforman vojon post kiam la reformo de Ĉinio eniris la profundakvan zonon, kaj publikigis mobilizan ordonon por profundigi reformon.

Hodiaŭ, la du banjanarboj plantitaj de Xi Zhongxun kaj Xi Jinping en Shenzhen fariĝis altaj kaj abundaj. Guangdong estas deirpunkto de la reformo kaj malfermo de Ĉinio. Post grandaj ŝanĝoj, la lando desegnas novan skizon por ĉiuflanke konstrui modernan socialisman landon kaj klopodi por konstrui fortan landon kaj rejunigi la nacion. Rigardante la nunan situacion, tio, kion ni bezonas por plu amplekse profundigi reformon, estas disvolvi la spiriton de la banjanarbo, kiu estas profunde enradikiĝinta en la grundo kaj neniam timas malfacilaĵojn.