Ĉina prezidanto Xi Jinping interparolis kun pola prezidento Andrzej Duda, kiu estas en Ĉinio por ŝtata vizito, lunde en la Granda Popola Halo en Pekino. La du ŝtatestroj konsentis klopodi por plialtigi la disvolvan nivelon de la strategia partnereco inter Ĉinio kaj Pollando, aldonante novan impulson al ĉina-polaj rilatoj kaj la "kunlaboro 16+1" inter Ĉinio kaj mezeŭropaj kaj orienteŭropaj landoj.

Xi diris, ke ambaŭ flankoj povas plue esplori uzi Pollandon kiel centron, plani kaj konstrui novajn loĝistikajn itinerojn, kaj konstrui loĝistikajn centrojn kovrantajn la centran Eŭropon kaj orientan Eŭropon. Ĉinio volas plivastigi kunlaboron kun Pollando en kampoj kiel financo, ekipaĵa fabrikado, mediprotekto, nova energio, informa kaj komunika teknologio, agrikulturo, scienco kaj teknologio, retkomerco kaj infrastruktura konstruado. Li emfazis, ke ambaŭ flankoj devas plivastigi kulturajn interŝanĝojn, plifortigi kunlaboron en turismo, edukado, lokaj regionoj, sporto kaj aliaj kampoj, kaj akceli interkomprenon inter la du popoloj.

Xi akcentis, ke Ĉinio rigardas kaj disvolvas siajn rilatojn kun la Eŭropa Unio el strategia kaj longtempa perspektivo. Ĉinio kaj la EU prenas la 40an datrevenon de la starigo de diplomatiaj rilatoj kiel okazon por ĉiuflanke progresigi la kvar ĉefajn partnerecojn de paco, kreskado, reformo kaj civilizacio por enradikiĝo, kaj antaŭenigi sinergion de la iniciato Zono kaj Vojo kaj la disvolva strategio de la EU. Li esprimis la esperon, ke Pollando ludos pozitivan rolon ene de la EU kaj antaŭenigos la disvolviĝon de la ampleksa strategia partnereco inter Ĉinio kaj la EU. Li aldonis, ke li esperas, ke la pola flanko plu atentos kaj subtenos la "kunlaboron 16+1".

Duda diris, ke Ĉinio estas grava membro de la internacia komunumo, kaj profundigi tradiciajn amikajn rilatojn inter Pollando kaj Ĉinio konformas al la interesoj de Pollando. La pola flanko konsentas plifortigi altnivelajn interŝanĝojn kaj kunlaboron en diversaj kampoj kiel ekonomio, komerco kaj kulturo inter la du landoj, kaj volas fari siajn proprajn klopodojn por aktive antaŭenigi la disvolviĝon de la rilatoj inter la EU kaj Ĉinio, inkluzive de la "kunlaboron 16+1". Li aldonis, ke Pollando, troviĝanta en la transporta kaj loĝistika centro de Eŭropo, volas ludi gravan rolon en la kunlaboro pri konstruado de la Zono kaj Vojo, kaj aktive partopreni en la laboroj de la Azia Infrastruktura Invest-Banko.

Post la renkontiĝo, la du ŝtatestroj kune atestis la subskribon de duflankaj kunlaboraj dokumentoj en la kampoj de turismo, financo, komerco kaj kunlaboro pri produktkapablo.