Ĉina Komunikila Grupo (ĈKG) komencis prezenti kelkajn el siaj plej altkvalitaj programoj en ĉefaj amaskomunikiloj en Kazaĥio dimanĉe por antaŭenigi amikecon inter Ĉinio kaj Kazaĥio.

Dekduo da dokumentaj filmoj kaj specialaj programoj de ĈKG, inkluzive de “Renkontiĝo kun Xi Jinping” kaj "La Voko de la Silka Vojo", estas planitaj elsendiĝi ĝis la 6a de julio en kazaĥaj televidkanaloj Silk Way kaj Atameken Business, inter aliaj amaskomunikiloj.

Shen Haixiong, vicestro de la Diskoniga Departemento de la Centra Komitato de la Komunista Partio de Ĉinio (KPĈ) kaj prezidanto de ĈKG, Kazhibayeva Raushan Zhanabergenovna, ĝenerala direktoro de la Televida kaj Radio-Komplekso de la prezidanto de Kazaĥio kaj Zhang Xiao, ĉina ambasadoro ĉe Kazaĥio, sendis videan salutparolon al la lanĉa evento, festante la kulturajn kaj inter-popolajn interŝanĝojn inter la du landoj en la lastaj jaroj.