Ĉina prezidanto Xi Jinping merkrede diris, ke Ĉinio pretas kunlabori kun Uzbekio por antaŭenigi la altkvalitan disvolvon de la rilatoj inter Ĉinio kaj Uzbekio kun la estonteco de la lando kaj la bonfarto de ĝia popolo.

Xi faris la rimarkojn dum renkontiĝo kun uzbeka prezidento Shavkat Mirziyoyev antaŭ la 24a kunveno de konsilio de ŝtatestroj de membrolandoj de Ŝanhaja Kunlabora Organizo (ŜKO) en Astano.

Xi diris, ke dum la sukcesa ŝtata vizito de Mirzijoyev al Ĉinio en januaro, Ĉinio kaj Uzbekio konsentis puŝi siajn rilatojn al ĉiuvetera ampleksa strategia partnereco por nova epoko, sur pli alta deirpunkto antaŭenigi la konstruadon de ĉina-uzbekia komunumo kun komuna estonteco, kaj enkonduki la duflankajn rilatojn al nova etapo.

Xi diris, ke Ĉinio pretas kunlabori kun Uzbekio por akceli la efektivigon de la rezultoj de la Ĉina-Centrazia Pintkunveno okazinta en la urbo Xi'an, plifortigi kunordigon kaj kunlaboron, kaj certigi, ke la ŜKO ĉiam evoluu en direkto, kiu servas al la komunaj interesoj de ĉiuj partioj.

Mirziyoyev diris, ke la du flankoj kune anoncis en Pekino plibonigi siajn rilatojn al ĉiuvetera ampleksa strategia partnereco por nova epoko en januaro, kiu malfermis novan epokon de la rilatoj inter Ĉinio kaj Uzbekio.

Mirziyoyev esprimis sian gratulon kaj deziris plenan sukceson al la tria plena sesio de la 20a Centra Komitato de la Komunista Partio de Ĉinio.

Li diris, ke Uzbekio firme observas la principon de unu Ĉinio kaj rezolute batalas kontraŭ la “tri malbonaj fortoj” de terorismo, ekstremismo kaj separismo.

Mirziyoyev diris, ke Uzbekio pretas antaŭenigi la efektivigon de la Tutmonda Disvolva Iniciato, la Tutmonda Sekureca Iniciato kaj la Tutmonda Civiliza Iniciato, kiuj estis proponitaj de Xi.