Ĉina prezidanto Xi Jinping ĵaŭde diris, ke li kredas, ke la rilatoj inter Ĉinio kaj Belorusio daŭre disvolviĝos sane kaj kun grandaj paŝoj sub komuna klopodo de ambaŭ landoj.

Xi faris la rimarkojn dum sia renkontiĝo kun belorusa prezidento Alexander Lukashenko flanke de la pintkunveno de Ŝanhaja Kunlabora Organizo (ŜKO) en Astano.

Gratulante Belorusion pro ties oficiala aliĝo al la ŜKO, Xi diris, ke prezidento Lukashenko vizitis Ĉinion dufoje en 2023, dum kiu li kaj Lukashenko kune planis novan projekton por la disvolviĝo de la ĉiuvetera ampleksa strategia partnereco de Ĉinio kaj Belorusio.

Xi notis, ke ĉi-jare estis atestita proksima komunikado inter la du landoj sur ĉiuj niveloj kaj solida efektivigo de la konsento atingita inter ambaŭ flankoj.

Lukashenko dankis Ĉinion pro la subteno al Belorusio en ties oficiala aliĝo al la ŜKO, kaj gratulis Ĉinion pri ties transpreno de la deĵoranta prezidanto de la ŜKO.

Lukashenko diris, ke Belorusio subtenas la Tutmondan Disvolvan Iniciaton, la Tutmondan Sekurecan Iniciaton kaj la Tutmondan Civilizan Iniciaton proponitajn de Xi, kaj ankaŭ la ses-punktan konsenton kune proponitan de Ĉinio kaj Brazilo pri politika solvo de la ukraina krizo, aldonante, ke la belorusa flanko atendas plu fortigi duflankan kaj plurflankan kunordigon kun Ĉinio.