La Informa Oficejo de la Ŝtata Konsilio de Ĉinio ĵaŭde publikigis blankan libron titolitan "Protekto de Mara Ekomedio en Ĉinio".

Krom la antaŭparolo kaj konkludo, la blanka libro konsistas el sep partoj: "Plibonigo de Mara Ekomedio por Harmonia Kunekzisto Inter Homo kaj Oceano", "Kunordigo de Protekto de Mara Ekomedio", "Sistema Regado de la Mara Ekomedio", "Sciencbazita Konservado kaj Restarigo de Maraj Ekosistemoj", "Plifortigo de Superrigardo kaj Administrado de la Mara Ekomedio", "Antaŭenigo de Verda kaj Malaltkarbona Mara Disvolviĝo de Ĉinio" kaj "Efektivigo de Ĉiuflanka Internacia Kunlaboro pri Protekto de Mara Ekomedia Medio".

La blanka libro diris, ke Ĉinio estas firma defendanto kaj aktiva partoprenanto en protekto de la mara ekomedio, kio estas esenca por ĝiaj iniciatoj konstrui belan Ĉinion kaj fortan maran landon. En la pasintaj jaroj, Ĉinio donis prioritaton al ekomedia konservado kaj faris sisteman regadon. Ĝi kunordigis disvolvajn kaj protektajn klopodojn, kaj subtenis altkvalitan disvolviĝon per altnivela protekto, strebante konstrui maran ekomedion de harmonia kunekzisto inter homo kaj oceano.

Danke al diligenta laboro en la pasintaj jaroj, la mara ekomedio de Ĉinio montris ĝeneralan pliboniĝon, kun konsiderinda kresko de la kapablo de ekosistemaj servoj kaj funkcioj en certaj maraj regionoj, laŭ la blanka libro.