Peng Liyuan, edzino de ĉina prezidanto Xi Jinping, ĉeestis la someran kampadejon "Amo en la Sunbrilo" por infanoj el Ĉinio kaj Afriko, kiu okazis en Pekino vendrede.

Peng estas bonvola ambasadoro de la Monda Organizo pri Sano (MOS) pri tuberkulozo kaj HIV/aidoso, kaj speciala sendito de la Eduka, Scienca kaj Kultura Organizo de Unuiĝintaj Nacioj (UNESKO) por knabina kaj virina edukado.

Peng diris vendrede, ke la somera tendaro estas ne nur renkontiĝo de ĉinaj kaj afrikaj infanoj, sed ankaŭ klara pruvo de la proksimeco inter Ĉinio kaj la afrika kontinento.

Peng diris, ke ĉinoj kaj afrikaj popoloj ĉiam komprenis kaj subtenis unu la alian en sia serĉado de feliĉo. Ŝi aldonis, ke kiel partnero sur la disvolva vojo de Afriko, Ĉinio ne nur engaĝiĝas por certigi la sanan kreskon de ĉinaj infanoj, sed ankaŭ por kontribui sian forton al la sana kresko de afrikaj infanoj.

Laŭ Peng, Ĉinio kaj Afriko ĉiam estos sinceraj amikoj. Peng esprimis la esperon, ke ĉiuj infanoj en la somera tendaro fariĝos heredantoj de la tradicia amikeco inter Ĉinio kaj Afriko, kaj nova forto en la konstruado de ĉina-afrika komunumo kun komuna estonteco.

Partoprenantoj reprezentantaj ĉiujn infanojn, kiuj ĉeestis la someran tendaron, esprimis sian sinceran dankon al Peng pro ŝia longdaŭra zorgado, kaj diris, ke ili ŝatos sian tempon, diligente studos kaj fariĝos mesaĝistoj por la ĉina-afrika amikeco.

Infanoj invititaj el Sud-Afriko, Namibio, Somalio, Ugando, Centrafrika Respubliko kaj aliaj landoj, kaj ankaŭ infanoj el la aŭtonoma gubernio Yi de Liangshan en Sichuan-provinco de sudokcidenta Ĉinio kaj la urbo Ruili en Yunnan-provinco de sudokcidenta Ĉinio ĉeestis la someran tendaron. Ankaŭ ĉinaj diplomatiaj senditoj de koncernaj afrikaj landoj ĉeestis.