Ĉina prezidanto Xi Jinping urĝis pliajn klopodojn por konservi la kulturajn kaj naturajn trezorojn de la lando kaj renovigi ilian ĉarmon en la nova epoko.

Xi, ankaŭ ĝenerala sekretario de la Centra Komitato de la Komunista Partio de Ĉinio kaj prezidanto de la Centra Milita Komisiono, faris la rimarkojn en instrukcio pri plifortigo de protekto, konservado kaj utiligo de kulturaj kaj naturaj heredaĵoj.

La instrukcio estis farita post kiam unu kultura heredaĵo kaj du naturaj heredaĵoj de Ĉinio estis enskribitaj en la Liston de Mondaj Heredaĵoj fare de la Eduka, Scienca kaj Kultura Organizo de Unuiĝintaj Nacioj (Unesko) en julio 2024.

Unesko anoncis la enskribon de la Centra Akso de Pekino: Konstruaĵa Ensemblo Montranta la Idealan Ordon de la Ĉina Ĉefurbo, Dezerto de Badain Jaran -- Turoj de Sablo, kaj Lagoj, kaj Rezervejoj de Migrobirdoj laŭ la Marbordo de la Golfo de la Flava Maro kaj la Maro Bohai de Ĉinio (Fazo II) en la listo en la 46a sesio de la Monda Heredaĵa Komitato de Unesko okazigita en Nov-Delhio, Hindio.