Ĉina sendito merkrede ripetis la alvokon de tuja batalhalto en Gazao.

"Kiam ni parolas, konflikto en Gazao daŭris pli ol 300 tagojn, kun pli ol 10 000 virinoj mortigitaj kaj pli ol miliono da palestinaj virinoj kaj knabinoj alfrontantaj malsategon," diris Dai Bing, aferŝarĝito de la ĉina konstanta misio al la Unuiĝintaj Nacioj, en kunveno de la Sekureca Konsilio pri daŭrigo de promesoj pri paco kaj sekureco de virinoj en la kunteksto de akcelita retiriĝo de pacoperacoj.

Dai refoje alvokis ĉiujn partiojn respondi al la "frakase grandega konsento de la internacia komunumo" kaj kune antaŭenigi la "plenan kaj efikan" efektivigon de koncernaj rezolucioj de la Sekureca Konsilio por atingi tujan batalhalton en Gazao, ĉesigi la humanitaran katastrofon, kaj reteni la disvastiĝon de la konflikto.

En siaj rimarkoj, la ambasadoro emfazis, ke ĉiuj klopodoj por malebligi kaj solvi konfliktojn kaj krei pacan medion por civiluloj, inkluzive de virinoj, estas ŝlosilaj antaŭkondiĉoj por antaŭenigi la tagordon pri paco kaj sekureco de virinoj.

"Kiajn ajn transirojn aŭ alĝustigojn trairos pacoperacoj, la antaŭenigo de politika traktado de tiklaj demandoj ĉiam devas esti la plej fundamenta mandato," li diris.