Prezidanto de la Internacia Olimpika Komitato (IOK) Thomas Bach sabate anoncis, ke li ne plu gvidos la organizon por tria oficperiodo.

Bach diris, ke li “petos la plenuman estraron plani la elekton por marto de 2025, kaj la komencon de la mandato de la nova prezidanto por la 24a de junio en 2025”.

La venonta sesio de IOK estas planita okazi de la 18a ĝis la 21a de marto en 2025 en Ateno, Grekio.

Ĝis nun, neniu individuo publike esprimis intencon kandidatiĝi por la prezidanteco.