Vendrede la hospitala ŝipo "Paca Arkeo" de la ĉina mararmeo, plenumanta la mision "Harmonia Misio-2024", sukcese finis sian viziton al Mozambiko kaj veturis de Maputo-Haveno al Sud-Afriko, la kvina halto de tiu ĉi misio.

Dum sia septaga amika vizito al Mozambiko, la hospitala ŝipo liveris kuracajn servojn al pli ol 7 300 homoj. Krom kuracado sur la ĉefa platformo, la hospitala ŝipo ankaŭ sendis multoblajn medicinajn teamojn al lokaj hospitaloj kaj armeaj bazoj por fari komunan diagnozon kaj kuracadon, medicinajn rondojn kaj interŝanĝojn pri armea kuracado.