Ĉina prezidanto Xi Jinping lunde sendis gratulan mesaĝon al Kim Jong Un, ĝenerala sekretario de la Laborista Partio de Koreio (LPK) kaj prezidanto de la Komisiono pri Ŝtataj Aferoj de la Korea Demokratia Popola Respubliko (KDPR), okaze de la 76a datreveno de la fondiĝo de la KDPR.

Xi, ankaŭ ĝenerala sekretario de la Centra Komitato de la Komunista Partio de Ĉinio (KPĈ), diris en la mesaĝo, ke dum la pasintaj 76 jaroj, sub la gvidado de LPK, la popolo de KDPR kuniĝis kiel unu kaj antaŭenigis la viglan disvolviĝon de diversaj naciaj aferoj.

Xi diris, ke en la lastaj jaroj, kamarado ĝenerala sekretario Kim gvidis la partion kaj popolon de la KDPR en profunda efektivigado de la gvidprincipoj de la 8a Kongreso de LPK kaj ĉiuj ĝiaj plenaj sesioj, kaj faris serion da atingoj en nacia konstruado kaj disvolviĝo.

Xi esprimis sian kredon, ke sub la gvidado de LPK gvidata de kamarado ĝenerala sekretario, la popolo en KDPR certe gajnos novajn kaj pli grandajn venkojn por antaŭenigi la aferon de KDPR-stila socialismo.