Ĉina komerca ministro Wang Wentao interparolos kun plenuma vicprezidanto kaj komerca komisaro Valdis Dombrovskis de Eŭropa Komisiono por diskuti pri la kompensa subvencio de Eŭropa Unio kontraŭ Ĉinio pri elektraj veturiloj la 19-an de septembro.

El pasinta sperto, certe estas utile, se ambaŭ partioj povas amike solvi komercajn disputojn per ĝisfunda komunikado kaj amikaj konsultoj, eble atingante prezdevontigon aŭ similan interkonsenton. Tamen, se la alia flanko postulas tro multe, estas ankaŭ normale, ke intertraktado ne sukcesas atingi la deziratan rezulton. Sendepende de la aliro prenita, ĉu la intertraktado moviĝas en unu aŭ alian direkton, unu afero ne ŝanĝiĝos -- la decido de Ĉinio protekti siajn kernajn interesojn restas firma. Ĉinio preferus ne atingi interkonsenton ol fari ajnajn koncedojn pri kernaj interesoj.