Fu Cong, konstanta reprezentanto de Ĉinio al la Unuiĝintaj Nacioj (UN), marde urĝis Israelon atenti la fortan vokon de la internacia komunumo tuj ĉesigi ĝian kontraŭleĝan ekziston sur la okupata palestina teritorio.

En rimarkoj al la urĝa speciala sesio pri la palestina demando de la Ĝenerala Asembleo de la UN, Fu diris, ke jardekoj da okupado kaj premado kaŭzis netakseblajn suferojn al la palestina popolo, kaj faris la longe karesatan revon pri sendependa ŝtatiĝo pli nerealigeblan.

Fini la okupadon estas ne elekto, sed laŭleĝa devo por Israelo," li emfazis.

“La Internacia Kortumo, en sia konsila opinio publikigita la 19an de julio, definitive konkludis, ke la daŭra ekzisto de Israelo sur la okupata palestina teritorio estas malobservo de la internacia leĝo, kaj ke Israelo havas devon tuj ĉesigi sian kontraŭleĝan ekziston sur la okupata palestina teritorio,” la ambasadoro diris, aldonante, ke la konsila opinio de la Internacia Kortumo konfirmis la longtempan konsenton de la internacia komunumo kaj difinis la nodon de la palestina demando.

"Ni urĝas Israelon atenti la fortan vokon de la internacia komunumo tuj ĉesigi kontraŭleĝan ekziston sur la okupata palestina teritorio," li diris.

Fu rimarkigis, ke ĉesigi la okupadon estas reĝustigi historian maljustecon kaj, pli grave estas meti la fundamenton por paco.