Okaze de la 75-a datreveno de la fondiĝo de la Ĉina Popola Respubliko, CGTN, kunlabore kun Renmin-Universitato de Ĉinio, kaj per la Novepoka Instituto pri Internacia Komunikado (NEIIC), publikigis la "Ĉinian Favorecon" tutmonda enketo por la dua sinsekva jaro. La enketo montras, ke la favoreco de enketitoj pri Ĉinio daŭre altiĝas, kun laŭdo por ĝiaj ekonomio, teknologio, kulturo kaj internacia influo. Precipe enketitoj el sudaj landoj kaj junaj respondintoj sub 34 jaroj esprimas fortan aprobon de la modernigaj konceptoj kaj atingoj de Ĉinio.

Altiĝanta Favoreco pri Ĉinio: Konfido en Altkvalita Disvolvado Pliiĝas

En la enketo pri la nacia figuro de Ĉinio, konstante pliiĝis favoreco kaj aprobo de enketitoj. Precipe, 92 procentoj de la enketitoj aprobas Ĉinion kiel gravan landon, iometa kresko de 1,4 el centaj punktoj ol la pasinta jaro; 89% rigardas Ĉinion kiel sukcesan landon, pliiĝante je 4,8%; kaj 77,8% konsideras Ĉinion estimindan landon, pliiĝante je 1,3% ol la antaŭa jaro.

Krom la altiĝanta favoreco, ankaŭ pliiĝis la volo de tutmondaj respondantoj viziti Ĉinion. La proporcio de respondantoj, kiuj konsideras "Ĉinion alloga lando", kreskis je 14,8% dum du jaroj, atingante 72,7%. Aldone, 79,5% de respondintoj esprimis volon vojaĝi, viziti aŭ studi en Ĉinio. La proporcio de respondantoj kunhavanta ĉi tiun vidpunkton atingas 89,7% inter la aĝoj de 18 ĝis 24 kaj 88,4% inter la aĝoj de 25 ĝis 34.