Vojaĝado en la dua plej granda ekonomio de la mondo daŭre prosperis ĵaŭde, la trian tagon de la tutsemajnaj ferioj de la Nacia Tago de Ĉinio, laŭ la oficialaj datumoj vendrede.

Laŭ la datumoj de la Ministerio de Transportado de Ĉinio, la nombro de fervojaj pasaĝeroj tra la lando superis 17,6 milionojn ĵaŭde, kreskante je 8% kompare kun la pasinta jaro. Vojaĝoj per akvo atingis preskaŭ 1,8 milionojn, pliiĝante je pli ol 26,7% kompare kun la pasinta jaro, kaj flugpasaĝeraj vojaĝoj atingis 2,19 milionojn, pliiĝante je pli ol 12,5% kompare kun la sama periodo de la pasinta jaro.

Laŭ la datumoj, voja trafiko okupis la plej grandan parton, kun 261,71 milionoj da pasaĝeraj vojaĝoj registritaj. La nombro kreskis je 3,9% kompare kun la pasinta jaro.