La nombro de mortintoj kaj malaperintoj pro la grandskala inundo kaj terglito kaŭzitaj de la tropika ŝtormo Trami en Filipinoj atingis preskaŭ 130. Filipina prezidento deklaris sabate, ke multaj areoj restas izolitaj, kaj homoj ankoraŭ bezonas helpon.

La ŝtormo Trami forlasis la nordokcidentajn Filipinojn vendrede, postlasante almenaŭ 85 mortintojn kaj 41 malaperintojn en unu el la plej mortigaj kaj plej detruaj ŝtormoj de ĉi tiu jaro en la Sudorient-azia insularo, laŭ la nacia katastrof-agentejo. La mortnombro eble pliiĝos, ĉar novaj raportoj venas el antaŭe izolitaj regionoj.