La 6-an de novembro, Xi Jinping, ĝenerala sekretario de la Centra Komitato de la Komunista Partio de Ĉinio (KPĈ), ŝtata prezidanto kaj prezidanto de la Centra Milita Komisiono, emfazis dum inspektado en Hubei, ke la provinco Hubei devas ĝisfunde efektivigi la spiriton de la 20-a Tutlanda Kongreso de la Komunista Partio de Ĉinio kaj la Tria Plena Sesio de la 20-a Centra Komitato de la Komunista Partio de Ĉinio, kaj persiste serĉi progreson konservante stabilecon. La ĝenerala tono estas firme teni la mision kaj taskojn en nova evoluado, strebi al la altkvalita disvolvo de la Ekonomia Zono de Jangzio, akceli la starigon de grava strategio por la leviĝo de la centra landparto, kaj komponi novan ĉapitron de ĉina modernigo en Hubei.

De la 4-a ĝis la 6-a de novembro, Xi Jinping, akompanata de la sekretario de la Partia Komitato de la Provinca Hubei Wang Menghui kaj la guberniestro Wang Zhonglin, sinsekve vizitis Xiaogan, Xianning kaj Wuhan, kaj faris profundajn inspektadojn kaj enketojn en muzeoj, kamparaj regionoj, scienc-teknikaj kaj industriaj novigaj institucioj.

Posttagmeze de la 4-a, Xi Jinping vizitis la Gubernian Muzeon Yunmeng en la urbo Xiaogan por spekti la ekspozicion de elterigitaj bambuaj slipoj de la dinastioj Qin kaj Han. Matene de la 5-a, Xi iris al la gubernio Jiayu, urbo Xianning, por inspekti la legomajn koridorojn, kaj detale demandis pri legomaj variaĵoj, plantteknikoj kaj vendado. Li emfazis, ke la kamparo estas vasta kaj la agrikulturo havas grandan potencialon. Por disvolvi modernan agrikulturon kaj konstrui fortan agrikulturan landon, ni devas fidi al sciencteknologia progreso, por ke sciencteknologio akcelu agrikulturan modernigon.

Poste, Xi Jinping venis al Siyi-vilaĝo, Panjiawan-urbo, kaj eniris la servejon de maljunuloj kaj la parti-amaspopolan servocentron de la vilaĝo por inspekti la prizorgajn instalaĵojn kaj servojn de maljunuloj. 

Posttagmeze de la 5-a, Xi Jinping vizitis la Wuhan-an Instituton pri Industria Novigado kaj Disvolva Esplorado, kie trovis sin sukcesaj kazoj kaj atingoj de sciencteknika novigado pro la platformo pri provizoĉeno, informiĝis pri rimedoj por antaŭenigi sciencteknikan novigadon, kaj faris profundajn diskutojn kaj interŝanĝojn kun sciencaj esploristoj kaj komercistoj.

Matene de la 6-a, Xi Jinping aŭskultis la laborraporton de la Provinca Partia Komitato de Hubei kaj de la provinca registaro kaj akcentis, ke Hubei havas elstarajn avantaĝojn en sciencaj kaj edukaj talentoj kaj fortajn sciencteknikajn novigajn kapablojn. Ĝi devas antaŭenigi sciencteknikan novigon kaj industrian novigon, disvolvi novajn produktajn fortojn laŭ lokaj kondiĉoj, kaj krei pli famajn industriojn. Ni donos superfortan prioritaton al plibonigo de la ekologia medio de la Jangzio, koncentriĝos al konstruado de sekura kaj rezistema moderna akvoreto, ĉiuflanke antaŭenigos ampleksan administradon de la riverbaseno kaj rezolute antaŭenigos dekjaran malpermeson de fiŝkaptado en Jangzio. 

Xi Jinping emfazis, ke Hubei devas havi la kuraĝon en ĉiuj flankoj profundigi reformon kaj vastigi altnivelan malfermon. Ni koncentriĝos pri reformo en ŝlosilaj sektoroj kaj ĉeneroj, plene engaĝiĝos en la konstruado de nacia merkato kaj konstruos pli justan kaj dinamikan merkatan medion. Hubei devas fari grandajn klopodojn en la integra disvolvo de urbaj kaj kamparaj areoj kaj en la ampleksa revigligo de la kamparo. Antaŭenigi novan urbanizan konstruadon kun guberniaj urboj kiel grava portanto kaj disvolvi gubernian ekonomion kun lokaj trajtoj.