La 19-an de novembro, Lin Jian, proparolanto de la ĉina Ministerio pri Eksterlandaj Aferoj prezidis regulan gazetaran konferencon. Raportisto demandis pri la 19-a Pintkunveno de Gvidantoj de G20 okazinta en Rio-de-Ĵanejro, Brazilo.

Ĉi-rilate Lin Jian diris, ke ekde la starigo de G20, ĝi ĉiam alfrontas tutmondajn defiojn kaj gvidas internacian kunlaboron sub la spirito de egala konsultado kaj reciproka profito. Ĉinio atendas labori kun ĉiuj membroj de G20 por preni la Pintkunvenon en Rio-de-Ĵanejro kiel novan deirpunkton, antaŭenigi partnerecon, praktiki veran multflankismon, akceli egalan kaj bonordan multpolusan mondon kaj antaŭenigi inkluzivan ekonomian tutmondiĝon.