La 7-an de marto en Pekino ĉina ministro pri eksteraj aferoj Yang Jiechi diris, ke la rilatoj inter Ĉinio kaj Usono serioze ĝeniĝis, tamen Ĉinio havas neniun respondecon pri tio.

Tiutage en gazetara konferenco kadre de la 3-a sesio de la 11-a Tutlanda Popola Kongreso de Ĉinio Yang Jiechi diris, ke la rilatoj inter Ĉinio kaj Usono havas bonan komencon post la enoficiĝo de Barack Obama kiel prezidento, tamen lastatempe usonaj agoj, ekzemple armilo-vendo al Taiwan kaj intervidiĝo de usonaj gvidantoj kun Dalai, serioze malobservis principon de la tri komunaj komunikoj kaj la komuna deklaro de la du landoj kaj damaĝis kernajn interesojn de Ĉinio kaj difektis la ĝeneralan situacion de la rilatoj inter la du landoj; Ĉinio rezolute oponas kontraŭ la usonaj agoj.