La 9-an de marto en Pekino, Yi Gang, vicestro de la Popola Banko de Ĉinio kaj direktoro de la Ŝtata Fremdvaluta Administracio, diris, ke la fremdlanda investado de Ĉinio estas diverseca, kaj en la estonteco oni devas substreki pliigon de la popola investo.

Tiutage en gazetara konferenco pri fremdvaluta rezervo Yi Gang diris, ke Ĉinio faras investon en fremdaj landoj per la fremdvaluta rezervo kaj fonduso de la socia garantio, kaj ankaŭ iuj fondusoj kaj bankoj de Ĉinio posedas aktivojn en fremdaj landoj; diverseco de la investado utilas al la ĝenerala altigo de la efiko kaj favoras disigon de riskoj por ke la investado estu pli ekvilibra.