Posttagmeze de la 3-a de marto en Pekino inaŭguriĝis sesio de la Tutlanda Komitato de la Ĉina Popola Politika Interkonsiliĝa Konferenco. Al la inaŭguro ĉeestis ŝtataj kaj partiaj gvidantoj Hu Jintao, Wu Bangguo, Wen Jiabao, Li Changchun, Xi Jinping, Li Keqiang, He Guoqiang kaj Zhou Yongkang.

En la inaŭguro la ĉeestantoj adoptis la tagordon de la sesio post ekzameno. Jia Qinglin, prezidanto de la Tutlanda Komitato de la Ĉina Popola Politika Interkonsiliĝa Konferenco, faris laboran raporton. Li esprimis, ke en la pasinta jaro, la komitato profunde disvolvis interkonsiliĝon por fari la 12-an 5-jaran planon kaj teni stabilan kaj rapidan disvolviĝon de ekonomio kaj faris gravan konstribuon por antaŭenpuŝi bonan kaj rapidan disvolviĝon de ekonomio kaj socio.