Enirinte en la novan jarcenton, okazis memekzameno pri kulturo en la tuta lando. Perfektiĝis la ŝtataj politikoj pri popola kulturprotektado. En 2002, la 16-a Tutlanda Kongreso de la Komunista Partio de Ĉinio prezentis la celon de la reformado de la kultura sistemo kaj unuafoje difinis la laŭleĝan pozicion de privata kolektado. Wang Yongchao finfine vidis lumon por doni hejmon al liaj kolektaĵoj.

"Post la 16a Tutlanda Kongreso de la Komunista Partio de Ĉinio, la registaro komencis alte atenti savadon de popola kulturo kaj boniĝis la politikoj. Post 20-jara penado mi gajnis agnoskon de la registaro kaj la socio. Multaj specialistoj diris, ke mia muzeo estas specimena tenejo de la popolaj kulturoj."