Post la tertremo, kiu okazis en la Gubernio Lushan de la urbo Ya'an, Ĉinio, la internacia socio esprimis deziron liveri helpon. Pri tio, en la 21a de aprilo, Qin Gang, proparolanto de la Ĉina Ministerio pri Eksterlandaj Aferoj, diris, ke la ĉinaj fortoj por traserĉi vivon kaj por fari sukuron estas sufiĉaj, la materialoj por savado ne mankas al la regiono trafita de la tertremo, kaj pro tio Ĉinio portempe ne bezonas eksterlandan taĉmenton pri savado kaj kuracado, nek materialojn por savado.