Jiabo-ŝoseo inter Jiaji kaj Boao en la urbo Qionghai estas longa je 18 kilometroj, larĝa kaj ebena. Ĉe ambaŭ flankoj de la ŝoseo videblas senlimaj verdaĵoj. La vegetalaro, vilaĝoj, rizkampoj kaj kokosujoj ŝajnas belaj pentraĵoj. Meze de la vastaj arbaroj estas disaj vilaĝaj domoj, kaj tio alportis eksterordinaran ĝojecon al homoj.

Ĉe la enirejo de la rivero Wanquan, en la suda parto de la gubernio Boao, estas la sidejo de Boao-a Azia Forumo. La konstruaĵo el kelke da blankaj ombrel-formaj tolmarkezoj ĝuste estis la konferencejo de la Azia Forumo dum ties fondiĝo.