Laŭ strukturo kaj etoso, la te-trinkejoj de la urbo Chengdu estas multe diferencaj disde tiuj en aliaj lokoj de Ĉinio. En te-trinkejoj de norda Ĉinio popularas la alta tablo, longa benko kaj serioza etoso iom enuiga; sed en la urbo Chengdu, la te-trinkejoj estas karakterizataj je komforta sidejo, gustoplena teo kaj humura etoso. La te-trinkejaj tabloj briletas pro longa uzado, bambuaj apogseĝoj tute taŭgas al la movo de homaj membroj, evitigas al sidantoj dormemon malsame ol sofo kaj ferdek-seĝo, kaj faras te-trinkantojn senlacaj eĉ post la tuttaga restado tie. Chengdu-anoj kutimas viziti jam la de si konatan te-trinkejon. Por alilokaj turistoj, kiuj volas sperti la guston de malnovaj te-trinkejoj, la plej bona loko eble estas tiu ĉe la ponto Nanqiao de la akvoutiliga konstruaĵo Dujiangyan. Tie multas homoj kaj belas la vidindaĵoj el riveraj fluoj, grandaj arboj, te-trinkejoj kaj lokaj manĝetoj, kaj regas la granda vigleco.