Internacia sistemo kun UN ĉe kerno devas esti firme subtenita en malfacilaj tempoj

Antonio Guterres, ĝenerala sekretario de Unuiĝintaj Nacioj (UN) lastatempe vizitis Rusion kaj Ukrainion por fari mediacion pri la plua konflikto, injektante novan impulson al internaciaj klopodoj por solvi la malpacon per diplomatio kaj dialogo.

La pli ol 70 jaroj da historio kaj praktikoj de UN pruvis, ke ĝi, kiel la plej universala, reprezenta kaj aŭtoritata interregistara internacia organizo, estas la plej bona loko por praktiki multflankismon kaj efikan platformon por ke la internacia komunumo kolektive respondu al diversaj minacoj kaj defioj.

En malfacilaj tempoj, estas eĉ pli esenca konservi la tutmondan sistemon kun UN ĉe ĝia kerno.

Oni scias, ke multaj manoj faras laboron malpezan. Multflankismo en modernaj internaciaj rilatoj originis de la serĉado de la homaro por solvoj de komunaj problemoj.

Ekde la fino de la Dua Monda Milito, kun la vigla disvolvo de UN kaj aliaj internaciaj organizoj, multflankaj organizoj iom post iom fariĝis la konsento de la internacia komunumo por subteni pacon, antaŭenigi disvolviĝon kaj alfronti komunajn defiojn per multflanka kunlaboro.

Ĉi tiu konsento kondukis al akcelo de ekonomia tutmondiĝo, pliigo de internacia komerco kaj plifortaj komunikado kaj dependeco inter landoj.

La mondo spertas profundajn ŝanĝiĝojn neviditajn en jarcento, ĉar regionaj varm-temoj daŭre aperas, tradiciaj kaj netradiciaj sekurecaj minacoj estas interplektitaj, kaj transformivaj ŝanĝiĝoj kaj la pandemio prezentis severajn defiojn al la sekureco kaj disvolviĝo de ĉiuj landoj. .

Tamen, Usono ankoraŭ strebas al unuflankeco kaj hegemonismo, akcelas potencan politikon, damaĝas sekurecon kaj disvolviĝon de aliaj landoj per maljustaj rimedoj, kaj provokas novan Malvarman Militon kaj geopolitikajn konkurojn. Ĝia miskonduto grave subfosis la internacian ordon kaj strategian stabilecon de la mondo.

Fronte al kompleksaj kaj malgajaj situacioj, la internacia komunumo bezonas praktiki veran multflankecon kaj malakcepti malgrandajn klikojn kaj blokpolitikojn, plifortigi solidarecon kaj kunlaboron kaj kontraŭstari konfrontiĝon kaj premon, kaj ankaŭ subteni egalecon kaj reciprokan konfidon kaj kontraŭstari hegemonion kaj ĉikanadon.

Nur irante al la ĝusta direkto, la internacia komunumo povas kunigi fortojn por konstrui pli prosperan, stabilan kaj justan mondon. Same kiel fama diro de Ĉinio diras: "Centraligu la saĝon de ĉiuj kaj estas nenio, kion vi ne povas atingi. Kolektu la forton de ĉiuj kaj ne ekzistas venko, kiun vi ne povas gajni."

En la pasintaj jaroj, Ĉinio ĉiam alte tenis la normon de multflankeco.

Sur la internacia scenejo, ĉinaj gvidantoj faris fortan alvokon por subteni multflankan manieron, atentigante, ke la eliro el la kompleksaj problemoj alfrontataj de la mondo estas "subteni multflankecon kaj konstrui komunumon kun komuna estonteco de la homaro".

Ĉinio firme subtenas la internacian sistemon kun UN ĉe ĝia kerno, la bazajn normojn regantajn internaciajn rilatojn bazitajn sur la celoj kaj principoj de la Ĉarto de UN, la aŭtoritato kaj statuso de UN, kaj ĝia centra rolo en internaciaj aferoj.

Faktoj pruvis, ke Ĉinio ĉiam estas konstruanto de monda paco, kontribuanto al tutmonda disvolviĝo kaj defendanto de la internacia ordo.

De la Iniciato Zono kaj Vojo ĝis la Iniciato pri Tutmonda Disvolviĝo kaj poste ĝis la Iniciato pri Tutmonda Sekureco, Ĉinio liveris internacian publikan bonon unu post alia, antaŭenigis mondan ligeblecon, akcelis tutmondajn kunlaborojn kaj disvolvadon, kaj injektis pli da fido al mondpaco kaj stabileco.

La historio refoje montris, ke kiam la centra rolo de UN estos serioze prenita, la mondo fariĝos paca. Se unuopaj landoj estos lasitaj iri sian propran vojon kaj komenci ion alian, la fundamento de la "multflanka ĉielskrapanto" de UN estos eroziita.

En la tempo, kiam la internacia sistemo kun UN ĉe sia kerno alfrontas severajn defiojn, ĉiuj landoj devas memori la celojn kaj principojn de la Ĉarto de UN, memori la pli grandan intereson de la internacia komunumo, solvi diverĝojn per diplomatio kaj dialogo, kaj kune antaŭenigi tutmondajn pacon kaj disvolviĝon sub kunordigo de UN.