Historia celo por reunuiĝo de patrujo devas esti realigita
Lastatempe publikigita blanka libro sisteme ilustras la pozicion kaj politikojn de la Komunista Partio de Ĉinio (KPĈ) kaj la ĉina registaro por antaŭenigi nacian reunuiĝon en la nova epoko, klare portretante la brilajn perspektivojn post la paca reunuiĝo de "unu lando, du sistemoj. "
La blanka libro, titolita "La Tajvana Demando kaj la Reunuiĝo de Ĉinio en la Nova Epoko", publikigita en la 10a de aŭgusto, injektis konfidon kaj forton al la komunaj klopodoj de la filoj kaj filinoj de la ĉina nacio por la nacia reunuiĝo kaj rejuniĝo.
La solvado de la tajvana demando kaj realigo de la kompleta reunuiĝo de Ĉinio estas komuna aspiro de ĉiuj filoj kaj filinoj de la ĉina nacio. Ĝi estas nemankebla por realigo de la rejuniĝo de Ĉinio kaj historia misio de la KPĈ.
Konsiderante la ampleksan celon de la nacia rejuniĝo en la kunteksto de tutmonda ŝanĝiĝo en la situacio nevidita en jarcento, la KPĈ kaj la ĉina registaro havas la forton kaj la konfidon trakti kompleksecojn, venki riskojn kaj minacojn kaj fari grandajn paŝojn antaŭen sur la vojo al nacia reunuiĝo.
La principo "unu lando, du sistemoj" estas grava institucia instrumento kreita de la KPĈ kaj la ĉina registaro por realigi pacan reunuiĝon. Ĝi estas bona rimedo, kiu akcelas pacon, demokration, bonvolon kaj kungajnon.
Etendante integran disvolviĝon, pliigante interŝanĝojn kaj kunlaboron, plifortigante ligojn kaj vastigante komunajn interesojn en la paca disvolviĝo de intermarkolaj rilatoj, la popolanoj ambaŭflanke de la Tajvana Markolo identiĝos pli proksime kun la ĉina kulturo kaj la ĉina nacio, kaj havos pli fortan senton de komuna estonteco, tiel metante solidajn fundamentojn por paca reunuiĝo.
Por progreso de la nacia reunuiĝo en la nova epoko, la decidemaj klopodoj estas faritaj por malhelpi separatismon kaj eksteran intervenon.
La tajvana demando estas interna afero, kiu implikas la kernajn interesojn de Ĉinio kaj la naciajn sentojn de la ĉina popolo. Neniu ekstera enmiksiĝo estos tolerita. "Ni pretas krei vastan spacon por paca reunuiĝo; sed ni lasos neniun lokon por separatismaj agadoj en iu ajn formo," diras la blanka libro.
Post kiam paca reunuiĝo estas atingita sub "unu lando, du sistemoj", ĝi kuŝos novan grundon por Ĉinio fari pluan progreson kaj atingi nacian rejuniĝon. Samtempe ĝi kreos grandegajn ŝancojn por socia kaj ekonomia disvolviĝo en Tajvano.
La reunuiĝo de Ĉinio ne difektos la legitimajn interesojn de iu ajn alia lando, inkluzive de iuj ekonomiaj interesoj, kiujn ili povas akiri en Tajvano. Male, reunuiĝo akcelos disvolvajn ŝancojn por ĉiuj landoj.
Paca intermarkola reunuiĝo profitas ne nur al la ĉina nacio, sed ankaŭ al ĉiuj popoloj kaj la tuta internacia komunumo.
Dividu
