Antonio Guterres pledas por sendependa enketo pri amasmurdo en Bucha

Ĝenerala sekretario de UN Antonio Guterres lunde postulis sendependan enketon pri la amasmurdo de centoj da civiluloj en Bucha, ekster la ukraina ĉefurbo Kievo.

Almenaŭ 280 homoj, inkluzive de infanoj, estis trovitaj mortaj en Bucha.

Ukraina prezidento Volodymyr Zelenskyy lunde vizitis la urbon, nomante la murdon "militkrimo".

Kremlo neis ĉiujn akuzojn, sugestante, ke bildoj de kadavroj estis "falsaj".