Malfermiĝis ekspozicio de lignogravuraĵo de 98-jara artisto en Suzhou-a Museo

La 18an de majo, Internacia Muzea Tago, inaŭguriĝis presaĵarta ekspozicio de tre maljuna ĉina artisto Huang Yongyu. Kunlabora klopodo inter Suzhou-a Muzeo kaj Pekina Belarta Akademio, la ekspozicio prezentas 78 arojn da lignogravuraĵoj kaj ĉizitaj lignogravuraĵoj kreitaj de Huang, kronikante liajn artajn atingojn de la 1940-aj jaroj ĝis la 1990-aj jaroj.

Titolita "Skulptado en Ligno - Ekspozicio de Presaĵoj de Huang Yongyu", ĝi prezentas la lignogravurajn ilustraĵojn de Huang de klasikaj literaturaj verkoj kaj vivecaj portretoj. Dum sia arta kariero de pli ol duonjarcento, ĉi tiu fama ĉina artisto esploris diversajn artajn formojn. Li ankaŭ estas produktiva verkisto de poemoj, fikcio kaj prozo. La ekspozicio spuras reen al la radiko de lia arta pasio - lignotranĉado - kaj ekspozicias multajn el liaj reprezentaj verkoj, inkluzive de "Ashima" kaj "Printempa Tajdo."

Huang Yongyu estas fama pro sia artaĵo "Ashima", kiu konsistas el aro de dek pentraĵoj. Kvin el ili nun estas elmontritaj. Jiang Weida, direktoro de la departemento pri ekspozicio de la Suzhou-a Muzeo, klarigis, ke Huang kreis la ilustraĵojn dum vizito al la provinco Yunnan, sudokcidenta Ĉinio en la 1950-aj jaroj, inspirite de la rakonta epopeo "Ashima" verkita de la popolo Sani, branĉo de la Ji-etnagrupo.

La artaĵo havas kapvestaĵon kun kompleksaj etnaj modeloj, dum la profilo de la portanto estas prezentita per simplaj strekoj, prezentante fortan kontraston kaj vidan efikon.

Huang Yongyu naskiĝis en la provinco Hunan de centra Ĉinio en 1924. Li forlasis de la gubernio Fenghuang en adolesko kaj vojaĝis tra la lando. Liaj ksilografiaĵoj kaj skribaĵoj abundas je lia pasio por profundaj komprenoj pri la homoj de diversaj grupoj kaj medioj de vivo kaj la spirito de la tempo.

La 98-jara maljunulo donis grandan gravecon al ĉi tiu ekspoziciaĵo kaj registris specialan videon por la muzeo por esprimi sian benon. La ekspozicio estos malferma ĝis la 24a de julio.