Wang Yi: principo de Unu Ĉinio estas fundamento de rilatoj inter Ĉinio kaj aliaj landoj

Ĉina ŝtata konsilanto kaj ministro pri eksterlandaj aferoj Wang Yi marde diris, ke la principo de unu Ĉinio estas la komuna kono de la internacia komunumo, la politika fundamento por la rilatoj inter Ĉinio kaj aliaj landoj, la kerno de la ŝlosilaj interesoj de Ĉinio, kaj ruĝa linio kaj bazlinio, kiu ne povas esti transirita.

Li faris la rimarkojn dum intervjuo post ĉeesto al la renkontiĝo de eksterlandaj ministroj de la Ŝanhaja Kunlabora Organizo. Iom antaŭe, li vizitis la centr-aziajn landojn kaj renkontiĝis kun gvidantoj de tiuj landoj. Wang diris, ke ĉiuj gvidantoj firme subtenas la principon de unu Ĉinio kaj rigardas la regionon Tajvanon kiel parton de Ĉinio.

Wang diris, ke la gvidantoj ankaŭ batalis kontraŭ eksteraj fortoj enmiksiĝi en la internajn aferojn de Ĉinio, kaj aldonis, ke la principo de unu Ĉinio estas vaste agnoskita de la internacia komunumo.

Parolante pri la tajvana demando, Wang diris, ke iuj homoj en Usono senĉese defias la suverenecon de Ĉinio kaj intence provokas problemojn de la Tajvana Markolo. Ĉinio neniam akceptas tiajn movojn.

Wang avertis, ke kelkaj usonaj politikistoj "ludas per fajro" pri la tajvana demando kaj certe venos al malbona fino. Usono kondutas kiel ĉikananto, kio igas la internacian komunumon rimarki, ke Usono estas la plej granda paco-detruanto de la mondo.