Putin: La vizito de Pelosi al Tajvano celas malstabiligi kaj semi kaoson en la regiono

Rusa prezidento Vladimir Putin lunde diris, ke la vizito de Nancy Pelosi, prezidanto de la usona Ĉambro de Reprezentantoj, al la ĉina regiono Tajvano, estas "ne nur vojaĝo de ununura nerespondeca politikisto, sed parto de konscia usona strategio por malstabiligi kaj semi kaoson en la regiono kaj la mondo".

Li faris la rimarkojn en la malferma ceremonio de la Internacia Milita-Teknika Forumo "Armeo-2022" kaj la Internaciaj Armeaj Ludoj 2022 okazigita en la milit-patriota parko Patriot.