Xi emfazas disvolvadon de ĉina-kazaĥaj rilatoj

Ĉina sendito diris merkrede, ke la legitimaj zorgoj de Irano devas esti konvene traktitaj en la iranta intertraktado pri revivigo de la irana nuklea interkonsento, oficiale konata kiel la Komuna Ampleksa Agadplano.

Wang Qun, ĉina sendito al la UN kaj aliaj internaciaj organizoj en Vieno, faris la rimarkojn post la lasta kunveno de la Komuna Komisiono de la Komuna Ampleksa Agadplano, kiun prezidis oficialulo el la Eŭropa Unio Enrique Mora kaj ĉeestis reprezentantoj de Ĉinio, Francio, Germanio, Rusio, Britio. kaj Irano.

Wang diris, ke grava progreso estis farita en la iranta intertraktado, sed restas iuj ŝlosilaj malkonsentoj pri demandoj koncernaj al la nuligo de sankcioj. Li diris, ke la fakto, ke la ĉefa demando pri nuligo de sankcioj ne estis traktita en intertraktado, kiu daŭris pli ol du monatojn, montras, ke la demando de ĝusteco kaj malĝusteco ankoraŭ ne estis fundamente solvita. Li aldonis, ke estas Usono, kiu unuflanke retiriĝis el la nuklea interkonsento kaj efektivigis "maksimuman premadon" kontraŭ Irano, kio estas la radika kaŭzo de la irana nuklea krizo.