Xi respondas leteron de alilandaj reprezentantoj de Tutmonda Dialogo de Junulaj Gvidantoj

Ĉina prezidanto Xi Jinping marde respondis leteron de fremdlandaj reprezentantoj de la Tutmonda Dialogo de Junulaj Gvidantoj, esprimante aprezon al iliaj aktivaj vizitoj en diversaj partoj de Ĉinio por profundigo de kompreno pri la lando.

“Ĝuste kiel vi skribis en la letero, la ĉina popolo konstruis riĉan kaj belan patrujon, kreis buntan kulturon, kaj realigis sian revon havi bonhavan vivon,” Xi, ankaŭ ĝenerala sekretario de la Centra Komitato de la Komunista Partio de Ĉinio (KPĈ), diris en sia letero al la reprezentantoj.

"Ĉinio estas vasta lando kun granda loĝantaro. Evoluigo kaj revigligo, la plej grava afero estas bazi ĝin sur naciaj kondiĉoj kaj sekvi ĝian propran vojon," Xi diris, aldonante, ke la nova ĉina vojo al modernigo estas pli kaj pli larĝa, kaj Ĉinio pli bone disvolvos sin kaj profitigos la mondon.

Xi instigis al la junaj gvidantoj fortigi interŝanĝojn kaj reciprokan lernadon kaj kontribui al konstruado de homa komunumo kun komuna estonteco.

Lastatempe, 36 junulaj reprezentantoj el 28 landoj skribis al Xi por gratuli la KPĈ okaze de la 100a datreveno de ĝia fondiĝo, dividante siajn spertojn kaj komprenojn el la vizitoj tra Ĉinio kaj esprimante sian esperon ludi pont-konstruan rolon por pli bone antaŭenigi interŝanĝojn kaj dialogon inter Ĉinio kaj aliaj landoj.