Xi ĉeestis celebradon por la 100a datreveno de la fondiĝo de la Komunista Junulara Ligo de Ĉinio kaj faris paroladon

Xi Jinping, ĝenerala sekretario de la Centra Komitato de la Komunista Partio de Ĉinio, ĉina prezidanto kaj prezidanto de la Centra Milita Komisiono, marde matene ĉeestis kunvenon por celebri la 100an datrevenon de la fondiĝo de la Komunista Junulara Ligo de Ĉinio, kaj faris paroladon.

En julio de 1921, 13 reprezentantoj kun averaĝa aĝo de nur 28 jaroj partoprenis en la unua Kongreso de la Komunista Partio de Ĉinio, anoncante la naskiĝon de la Komunista Partio de Ĉinio, epokofarantan eventon, kaj malfermante novan epokon de la rejuniĝo de la ĉina nacio. Sub gvidado de la Komunista Partio de Ĉinio, la Komunista Junulara Ligo de Ĉinio estis starigita en 1922, kaj la ĉina junulara movado malfermis novan historian ĉapitron. Laŭ la lastatempe publikigita blanka libro “Ĉina Junularo en la Nova Epoko”, ĝis la fino de 2021, la totala nombro de membroj de la Komunista Junulara Ligo atingis 73,715 milionojn.