​Xi esprimas gratulon okaze de la 70a nacia tago de Egiptio

Ĉina prezidanto Xi Jinping sabate sendis gratulan mesaĝon al sia egipta paralelulo Abdel-Fattah al-Sisi okaze de la 70a nacia tago de Egiptio.

Xi diris en la mesaĝo, ke en la lastaj jaroj, Egiptio firme sekvis la vojon de sendependeco, vigle progresis en nacia disvolviĝo kaj ludis gravan rolon en regionaj kaj tutmondaj aferoj.

Xi diris, ke li kaj Sisi ambaŭ ĉeestis la Altnivelan Dialogon pri Tutmonda Disvolvado okazigita lastatempe, kaj ke ili puŝis la dialogon atingi fruktodonajn rezultojn, kaj sendis fortan mesaĝon de la epoko pri komuna disvolviĝo kaj prospero.

La ĉina prezidanto emfazis, ke li donas grandan gravecon al la disvolvado de la ĉina-egiptaj rilatoj kaj volas labori kun Sisi por firme subteni unu la alian, akceli la komunan konstruadon de la Zono kaj Vojo, fari kunlaboron pri la efektivigo de la Tutmonda Disvolva Iniciato, protekti komunajn interesojn de evoluantaj landoj, kaj firme marŝi al la celo konstrui la ĉina-egiptan komunumon kun komuna estonteco en la nova epoko, por profitigi la du landojn kaj iliajn popolojn.