2010

2010

(Suso Moinhos)

akcepti la krizovintron postulis

vigili vestible kun vakaj manoj

kalkuli la tagojn per kalendaro

el tranĉaĵoj de falsa ŝinko

promenadi tra la placoj laŭtakte

mezurante la paŝojn por forblovi la ombrojn

oficiale bedaŭri

kontempli la sunsubiron el niaj bunkroj,

imune kontraŭ l' espero de la rikolto

ĉiun aŭroron timi, ĉar futuro

jam lavangas aŭdeble sur la altaj pintoj

anheli en la kirasoj ektoskeletaj de niaj pleŭroj

silenti, ĉar senbuŝe, ne skribi, ĉar manstumpe

provi ekstreme la sternumon levi

dum la piedojn inundas la propra ŝlimo

kaj allasi la tempon kuri tra la ĉambroj serĉante dion